🛑 तुम्ही सर्व माझ्या हृदयात आहात : सुहास पाताडे

🛑 तुम्ही सर्व माझ्या हृदयात आहात : सुहास पाताडे

तळेरे : 

          मी अधिकारी म्हणून कोणाला रागाने बोललो असेन तर मला मोठ्या दिलाने क्षमा करा. तुम्ही केलेल्या सत्काराबद्दल मी सर्वांचा ऋणी आहे , तुम्ही सर्व माझ्या हृदयात आहात असे प्रतिपादन सेवापूर्ती सत्कार सोहळ्याला उत्तर देताना तळेरे प्रभागाचे शिक्षण विस्तार अधिकारी सुहास पाताडे यांनी तळेरे हायस्कुल येथे केले. त्यावेळी त्यांची पत्नी सुहासिनी पाताडे यांचाही सत्कार करण्यात आला. 

          त्यावेळी गटशिक्षणाधिकारी किशोर गवस , देवगड गटशिक्षणाधिकारी प्रजापती थोरात ,  केंद्रप्रमुख विजय मसुरकर , कासार्डे व शेर्पे केंद्रप्रमुख संजय पवार , खारेपाटण केंद्रप्रमुख सद्गुरू कुबल , साळीस्ते केंद्रप्रमुख गोपाळ जाधव , केंद्रप्रमुख राजेंद्र मणेरीकर , केंद्रप्रमुख शिवाजी पवार , केंद्रप्रमुख संतोष जाधव , तळेरे हायस्कूलचे प्राचार्य अविनाश मांजरेकर , वारगाव हायस्कुलचे मुख्याध्यापक वाळके , पत्रकार गुरुप्रसाद सावंत , खारेपाटण केंद्रमुख्याध्यापक प्रदिप श्रावणकर , दशरथ शिंगारे , सत्यवान घाडीगांवकर , प्रदिप सावंत , आत्तारसर , बीट मुख्याध्यापिका पद्मजा करंदीकर , काटेसर आणि पदाधिकारी उपस्थित होते. कार्यक्रमाचे सूत्रसंचालन श्रीराम विभुते यांनी केले. सीताराम पारधिये यांनी पाताडेसाहेबांच्या जीवनावरील बनवलेल्या पीपीटीचे सादरीकरण करण्यात आले. दशरथ शिंगारे , इरफान सारंग , रुपाली पवार , विनायक जाधव , अविनाश मांजरेकर , सद्गुरू कुबल ,  विजय मसुरकर , संतोष जाधव , राजू मेस्त्री ( नरडवे ) , शिवाजी पवार , श्रीराम विभुते , देवगड गटशिक्षणाधिकारी प्रजापती थोरात , कणकवली गटशिक्षणाधिकारी किशोर गवस यांनी शुभेच्छापर मनोगते व्यक्त केली. 

         ईश्वस्तवन व स्वागतगीत तळेरे नं.१ च्या शिक्षिका यांनी सादर केले. त्याला वाद्यवृंद साथ सत्यवान चव्हाण , श्रीराम विभुते यांनी दिली. 

          तळेरे हायस्कूलच्या वतीने व स्वीटलँड इंग्लिश स्कुलच्या वतीने , केंद्रप्रमुख यांच्या वतीने सत्कार करण्यात आला. तसेच तळेरे प्रभागातील शिक्षकांच्या वतीने सोन्यासारख्या माणसाचा सोन्याची अंगठी , शाल , श्रीफळ , पुष्पगुच्छ देऊन हृद्य सत्कार करण्यात आला. कवी सत्यवान चव्हाण यांनी पाताडेसाहेबांच्या जीवनावर स्वरचित कविता गायन सादर केले. आभार प्रदर्शन जाकिर शेखसर यांनी केले. त्यावेळी सर्व तळेरे प्रभागातील शिक्षकवृंद उपस्थित होते.