🛑 अपघातग्रस्त विद्यार्थ्याला शिक्षक समितीचा मदतीचा हात

🛑 अपघातग्रस्त विद्यार्थ्याला शिक्षक समितीचा मदतीचा हात

कणकवली :      

          जि.प.शाळा बावशी नं. १ मधील सोहम भरत कांडर या विद्यार्थ्याचा पडल्यामुळे हात फ्रॅक्चर झाला होता. सदर विद्यार्थ्याची परिस्थिती गरीबीची असल्याने शिक्षक समिती कणकवलीच्या वतीने ३०००/- ची आर्थिक मदत शाळेतील शिक्षक विनोद ठाकूर यांच्या मागणीनुसार त्यांचेजवळ देण्यात आली.

          सदर प्रसंगी शिक्षक नेते गिल्बर्ट फर्नांडिस, तालुकाध्यक्ष टोनी म्हापसेकर , सरचिटणीस महेंद्र पवार , महिला आघाडी अध्यक्ष नेहा मोरे , सचिव विनिता शिरसाट , संचालक आनंद तांबे , जिल्हा कार्यालयीन चिटणीस संतोष कुडाळकर इ. उपस्थित होते.

🛑 दिक्षा नंदकिशोर चव्हाणने कॅरम स्पर्धेत बाजी मारली

🛑 दिक्षा नंदकिशोर चव्हाणने कॅरम स्पर्धेत बाजी मारली

🔹चिपळूण डेरवण येथे राज्यस्तरीय शालेय कॅरम स्पर्धा संपन्न

🔸17 वर्षाखालील वयोगटात महाराष्ट्र राज्य विजेतेपद पटकावले

🔹राष्ट्रीय स्पर्धेत करणार महाराष्ट्र राज्याचे प्रतिनिधित्व 

▪️ कनेडी : 

          भिरवंडे गावासारख्या खेड्यातून येणारी कनेडी ज्युनिअर कॉलेजमध्ये अकरावीत शिकत असलेली दिक्षा नंदकिशोर चव्हाण हिने नुकतेच चिपळूण डेरवण येथील राज्यस्तरीय शालेय कॅरम स्पर्धेत विजेतेपद पटकावले. 

          तिची राष्ट्रीय कॅरम स्पर्धेसाठी निवड झाली आहे. ती आपल्या महाराष्ट्र राज्याचे प्रतिनिधित्व करणार आहे. पाचवीत असल्यापासून तिने कॅरम खेळातील कौशल्य दाखवायला सुरुवात केली होती. यापूर्वी तिने कॅरम स्पर्धेत अनेक राज्यस्तरीय पारितोषिके प्राप्त केली आहेत. तिच्या वडिलांचे सलून दुकान असून तेही एक चांगले फलंदाज आहेत. आपल्या मुली विविध क्षेत्रात विशेषतः खेळात , संगीतक्षेत्रात निपुण व्हाव्यात यासाठी ते नेहमीच प्रयत्नशील असतात. त्यांची दोन नंबर मुलगी दिव्या पाचवीत असून ती संगीत विषयाचे शास्त्रीय शिक्षण घेत आहे. 

          भिरवंडे सारख्या खेड्यात राहूनही कॅरम , क्रिकेट आणि संगीत यांचे कौशल्य संपादन करत स्वतःसह आपल्या मुलींनाही राष्ट्रीय स्तरापर्यंत स्पर्धेत उतरवणाऱ्या नंदकिशोर चव्हाण यांचे सर्व स्तरातून कौतुक होत आहे. सिंधुदुर्ग नाभिक संघटनेच्या वतीने तिला ' नाभिक कॅरम कन्या ' म्हणून गौरविण्यात आले आहे. तिच्या या दैदिप्यमान यशाबद्दल सिंधुदुर्ग नाभिक संघटनेचे जिल्हाध्यक्ष अनिल अणावकर आणि त्यांच्या टीमने दिक्षाचे अभिनंदन केले आहे.

🛑 खारेपाटण विभागीय अध्यक्ष अनंत चव्हाण यांनी दिली संत शिरोमणी सेना महाराजांच्या मूर्तीची भेट

🛑 खारेपाटण विभागीय अध्यक्ष अनंत चव्हाण यांनी दिली संत शिरोमणी सेना महाराजांच्या मूर्तीची भेट

🔹 देवगड तालुका नाभिक संघटना तालुकाध्यक्ष प्रमोद चव्हाण आणि त्यांच्या टीमने मानले त्यांचे हृदय आभार

▪️ खारेपाटण : 

          भेट देण्यासाठी काही दानशूर व्यक्ती उत्सुक असतात. एकदा मनात आलं की दिल्याशिवाय त्यांना चैनच पडत नाही. खारेपाटण विभागाचे नाभिक संघटनेचे अध्यक्ष अनंत चव्हाण आणि त्यांच्या पत्नी अनिता चव्हाण या दांपत्याने देवगड तालुक्यातील नाभिकांसाठी संत शिरोमणी सेना महाराज यांची संगमरवरी मूर्ती सस्नेह भेट दिली. 

          अनंत चव्हाण यांनी मूर्ती देण्याची आपली इच्छा व्यक्त केली. देवगड तालुक्यातील साठ नाभिकांची टिम सेना महाराजांची संगमरवरी मूर्ती आणण्यासाठी पंढरपूर येथे रवाना झाली. देवगड तालुकाध्यक्ष प्रमोद चव्हाण यांनी तालुक्यातील नाभिकांना आवाहन करताच साठ नाभिक बंधुभगिनी मूर्ती आणण्यासाठी थेट पंढरपूर येथे जाण्यासाठी तयार झाले. जाता जाता त्यांनी तुळजापूर , अक्कलकोट , पंढरपूर आणि नरसोबाची वाडी ही तीर्थक्षेत्रे बघण्याची अनमोल संधी घेतली. 

          खारेपाटण विभागीय अध्यक्ष अनंत चव्हाण आणि त्यांच्या पत्नी अनिता चव्हाण यांच्या माध्यमातून नाभिक समाजाला एकत्र आणण्याचे महत्त्वाचे कार्य केल्याबद्दल सिंधुदुर्ग जिल्हा नाभिक संघटनेचे जिल्हाध्यक्ष अनिल अणावकर आणि खजिनदार चंद्रशेखर चव्हाण यांनी धन्यवाद दिले आहेत. समस्त कणकवली तालुका नाभिक संघटनेच्या वतीने दानशूर अनंत चव्हाण यांचे त्यांच्या दातृत्वाबद्दल कौतुक करण्यात येत आहे. देवगड तालुक्यातील नाभिक बांधवांच्या वतीने अनंत चव्हाण उभयतांचा भेटवस्तू व शाल , श्रीफळ देऊन सत्कार करण्यात आला. 

🛑 शिडवणे नं.१ शाळेचे वनभोजन संपन्न

 🛑 शिडवणे नं.१ शाळेचे वनभोजन संपन्न

🔹पदाधिकारी आणि अधिकारी यांनी सेवन केले वनातील भोजन

शिडवणे : 

          दरवर्षी शाळेच्या वतीने वनभोजन घेण्यात येते. एक दिवस वनात म्हणजेच निसर्गाच्या सानिध्यात जाऊन भोजनाचा आनंद घेत तृप्तीचा ढेकर देताना मिळणारा आनंद विरळाच. हा आनंद देणाऱ्या शिडवणे नं.१ शाळेच्या शाळा व्यवस्थापन समितीचे ,  पालकांचे आणि शिक्षकांचे उपस्थित पदाधिकारी आणि अधिकाऱ्यांनी मुक्तकंठाने कौतुक केले. 

          या वर्षी शिडवणे नं. १ शाळेने ' नाधवडे उमाळा ' या प्रसिद्ध पर्यटनस्थळी वनभोजन उपक्रमाचे आयोजन केले होते. वनभोजन उपक्रमात शाळेतील सर्व विद्यार्थी , शिक्षक , शाळा व्यवस्थापन समिती , शिक्षक पालक संघ , माता पालक संघ , ग्रामपंचायत आणि तालुका , जिल्हा पदाधिकारी , अधिकारी प्रामुख्याने सहभागी झाले होते. गावातील बहुसंख्य पालक , ग्रामस्थ यांच्या सहकार्याने होत असलेले वनभोजन पाहून उपस्थित पदाधिकारी आणि अधिकारी यांनी सर्वांचे मुक्तकंठाने कौतुक केले. 

          विद्यार्थ्यांनी गाण्यांच्या भेंड्या , दोरी उड्या , क्रिकेट , समूहनृत्ये , एकलनृत्ये , संगीतखुर्ची आणि उमाळ्याचा निसर्ग सहवास , मंदिराच्या नजिक असणाऱ्या नदीतील थंडगार पाण्याचा स्वानंद घेतला. 

          त्यावेळी माजी वित्त व बांधकाम सभापती रविंद्र जठार , माजी पंचायत समिती सभापती दिलीप तळेकर , निवृत्त पोलीस अधिकारी विजय टक्के , शिडवणे उपसरपंच दिपक पाटणकर , मनोहर कोकाटे , माजी उपसरपंच अनिल पांचाळ , शाळा व्यवस्थापन समिती अध्यक्ष महेंद्र धुमाळ , वारगाव उपसरपंच नाना शेट्ये , माजी अध्यक्ष दिनेश रांबाडे , दयानंद कोकाटेसर , डॉ. संजय कोकाटे , खारेपाटण केंद्रप्रमुख सद्गुरु कुबल , शेर्पे कासार्डे केंद्रप्रमुख संजय पवार , सावडाव केंद्रप्रमुख संतोष जाधव , शिक्षक मंगेश खांबाळकर , अरुणा वाळवेकर आणि बहुसंख्य पालक , ग्रामस्थ उपस्थित होते. तळेरे , वारगाव , कोनेवाडी येथील पदाधिकारी पाहुणे उपस्थित होते. सर्वांनी वनभोजनातील मांसाहारी , शाकाहारी भोजनाचा यथेच्छ आस्वाद घेतला.

          कार्यक्रम यशस्वी करण्यासाठी शिडवणे सरपंच रविंद्र शेट्ये, तारीफ शेख , नदीम शेख , सुप्रिया पाष्टे , माजी सरपंच शीतल जाधव , श्याम भोवड , सचिन टक्के , योगेश सुतार , केतकर , सरिता केतकर , समिता सुतार , मनाली धुमाळ , रोशना पांचाळ , स्नेहा पांचाळ , श्रद्धा पाळेकर , अर्चना जाधव , सत्यवती वारिसे , सायली सुतार , मेघना सुतार , तारामती भोवड , अस्मिता भोवड , रश्मी भोवड , अन्वी येतकर , प्रेरणा कासार्डेकर , दर्शना रांबाडे , स्मिता पाष्टे , मंजुळा गुंडये , रुपाली पाष्टे , गुलाब निशानदार , रामचंद्र पाटणकर , प्रवीण पाटणकर , सुभाष धोंडू नर , समीर कुडतरकर , योगेश शिंदे , सचिन सुतार , गीतांजली पाष्टे , अर्चना भोवड , स्मिता पाष्टे , श्रीराम पाष्टे , अनिल गुंडये , सुनिल तांबे , सुजाता कुडतरकर , प्रवीण कुबल , सीमा वरुणकर आणि शालेय व्यवस्थापन समिती , माता पालक , शिक्षक पालक यांचे मोलाचे आर्थिक व श्रम साहाय्य लाभले.