साळीस्ते : दिनांक : १५ ऑक्टोबर २०१९ :
साळीस्ते केंद्राची शिक्षण परिषद ऑक्टोबर महामध्ये शाळा वारगाव नं.३ शाळेत अत्यंत उत्साहात संपन्न झाली. त्यावेळी तरेळे प्रभागाचे शिक्षण विस्तार अधिकारी सुहास पाताडे, केंद्रप्रमुख सद्गुरू कुबल , समग्र शिक्षा अभियान कणकवलीच्या विषयतज्ज्ञा दळवी, पाळेकर आणि साळीस्ते केंद्रातील सर्व शिक्षक उपस्थित होते.
पहिल्या तासिकेमध्ये वारगाव नं. ३ च्या उपशिक्षिका म्हाडेश्वर यांनी अध्ययनस्तर निश्चिती व कृती आराखडा या विषयावर तपशीलवार मार्गदर्शन केले. अध्ययन स्तर म्हणजे काय ? निश्चिती केव्हा करणार ? याची पीपीटी सादर करून चर्चा घडवून आणली. त्यामध्ये शिक्षकांना ज्या समस्या येतात त्यावर सुहास पाताडे यांनी शंकांचे उदाहरणासह निरसन केले.
दुसऱ्या तासिकेमध्ये अध्ययन निष्पत्ती यावर आधारित प्रश्न निर्मिती कशी करावी याबाबत विवेचन करण्यात आले. ४ थी मराठी विषय घेऊन त्यातील चित्रे देऊन त्यावर प्रश्न निर्मिती करण्यात आली. गणित विषयातील सरळव्याज या घटकावर उदाहरणे बनवण्यात आली. परिसर अभ्यास , इंग्रजी या विषयांवरील प्रश्न तयार करताना कोणती काळजी घ्यावी यावर चर्चा करण्यात आली. शिक्षकांनी घेतलेल्या सक्रिय सहभागाबद्दल उपस्थित अधिकारी वर्गाकडून विशेष समाधान व्यक्त करण्यात आले.
दिनेश जंगले यांनी आभार मानले.
