शिडवणे : दिनांक : २६ जानेवारी २०२० :
मी माझ्या शिडवणे गावातील लोकांच्या सदिच्छांमुळे सभापती पदापर्यंत पोहोचू शकलो आहे. आपण ग्रामपंचायतीच्या व शाळेच्या वतीने माझा जो सत्कार व सन्मान केलात त्याने मी भारावून गेलो आहे. माझा जिल्ह्यात होणारा सन्मान हा माझा एकट्याचा नसून तो शिडवणे गावातील माझ्या लोकांच्या प्रेरणेमुळे मिळालेला सन्मान असून तो शिडवणे गावातील प्रत्येक नागरिकाचा सन्मान आहे , असे उद्गार सत्काराला उत्तर देताना कार्यक्रमाचे उदघाटक जिल्हा परिषद सिंधुदुर्गचे वित्त व बांधकाम सभापती रविंद्र जठार यांनी शिडवणे नं. १ शाळेच्या स्नेहसंमेलनात उदघाटनप्रसंगी व्यक्त केले.
त्यावेळी कणकवली पंचायत समितीचे सभापती दिलीप तळेकर हे प्रमुख अतिथी म्हणून उपस्थित होते. ते म्हणाले, शिडवणेने केलेला माझा हृदय सत्कार माझी जबाबदारी वाढवणारा आहे. तुमच्या गावातील समस्या सोडवण्यासाठी मी सर्वतोपरी प्रयत्न करेन. व्यासपीठावर शिडवणे गावाच्या सरपंच शीतल जाधव, उपसरपंच दिपक पाटणकर, रविंद्र शेट्ये, वारगाव हायस्कुलचे मुख्याध्यापक वाळकेसर , मंगेश शेट्ये, गोरक्षनाथ गायकवाड, स्नेहल राणे , शाळा व्यवस्थापन समिती अध्यक्ष दिनेश रांबाडे, उपाध्यक्षा सुजाता शेट्ये आणि गावातील प्रतिष्ठित, शिक्षणप्रेमी पदाधिकारी, पालक, शेर्पे केंद्रातील शिक्षक, माजी विद्यार्थी ,आजी विद्यार्थी व बहुसंख्य ग्रामस्थ प्रामुख्याने उपस्थित होते. माजी शिक्षक गोरक्षनाथ गायकवाड व स्नेहल राणे या शिक्षकांचा शाल, श्रीफळ व भेटवस्तू देऊन सत्कार करण्यात आला. खोखो प्रशिक्षक सुशांत तांबे यालाही भेटवस्तू देऊन गौरविण्यात आले. खोखो जिल्हास्तर उपविजेता झालेल्या मोठ्या गटातील मुलींना मान्यवरांच्या हस्ते गौरविण्यात आले.
प्रजासत्ताक दिनाचे औचित्य साधून शाळेने हळदीकुंकू समारंभाचे व उत्कर्षा उपक्रमाचे आयोजन केले होते. त्यावेळी मंगेश शेट्ये यांच्या सौजन्याने सर्व महिलांना २०० कापडी पिशव्यांचे वितरण करण्यात आले. उत्कर्षा समुपदेशिका सुजाता कुडतरकर, सीमा वरुणकर यांनी महिलांना ' मासिक पाळी व्यवस्थापन ' या विषयावर मार्गदर्शन केले.
महेश शेट्ये यांच्या सौजन्याने शाळेला इन्व्हर्टर प्रदान करण्यात आला. त्याचे समारंभपूर्वक उदघाटन मान्यवरांच्या शुभहस्ते करण्यात आले. शाळेला सहकार्य करणाऱ्या सर्वांचे प्रसंगानुरूप पुष्प देऊन आभार मानण्यात आले. शाळेने २८ सांस्कृतिक कार्यक्रम सादर करून प्रेक्षकांची वाहवा मिळवली. शालेय व्यवस्थापन समितीच्या वतीने शाळेतील सर्व शिक्षकांचे आभार मानण्यात आले. दिपक पांचाळ यांच्या आर्थिक सहकार्यातून प्रतिवर्षाप्रमाणे मंडप व ध्वनिक्षेपक याची मोफत सेवा देत असल्याबद्दल त्यांचे आभार मानण्यात आले. कार्यक्रमाचे सूत्रसंचालन शाळेचे मुख्याध्यापक सुनिल तांबे यांनी केले. तर आभार प्रवीण कुबल यांनी मानले.
मी माझ्या शिडवणे गावातील लोकांच्या सदिच्छांमुळे सभापती पदापर्यंत पोहोचू शकलो आहे. आपण ग्रामपंचायतीच्या व शाळेच्या वतीने माझा जो सत्कार व सन्मान केलात त्याने मी भारावून गेलो आहे. माझा जिल्ह्यात होणारा सन्मान हा माझा एकट्याचा नसून तो शिडवणे गावातील माझ्या लोकांच्या प्रेरणेमुळे मिळालेला सन्मान असून तो शिडवणे गावातील प्रत्येक नागरिकाचा सन्मान आहे , असे उद्गार सत्काराला उत्तर देताना कार्यक्रमाचे उदघाटक जिल्हा परिषद सिंधुदुर्गचे वित्त व बांधकाम सभापती रविंद्र जठार यांनी शिडवणे नं. १ शाळेच्या स्नेहसंमेलनात उदघाटनप्रसंगी व्यक्त केले.
त्यावेळी कणकवली पंचायत समितीचे सभापती दिलीप तळेकर हे प्रमुख अतिथी म्हणून उपस्थित होते. ते म्हणाले, शिडवणेने केलेला माझा हृदय सत्कार माझी जबाबदारी वाढवणारा आहे. तुमच्या गावातील समस्या सोडवण्यासाठी मी सर्वतोपरी प्रयत्न करेन. व्यासपीठावर शिडवणे गावाच्या सरपंच शीतल जाधव, उपसरपंच दिपक पाटणकर, रविंद्र शेट्ये, वारगाव हायस्कुलचे मुख्याध्यापक वाळकेसर , मंगेश शेट्ये, गोरक्षनाथ गायकवाड, स्नेहल राणे , शाळा व्यवस्थापन समिती अध्यक्ष दिनेश रांबाडे, उपाध्यक्षा सुजाता शेट्ये आणि गावातील प्रतिष्ठित, शिक्षणप्रेमी पदाधिकारी, पालक, शेर्पे केंद्रातील शिक्षक, माजी विद्यार्थी ,आजी विद्यार्थी व बहुसंख्य ग्रामस्थ प्रामुख्याने उपस्थित होते. माजी शिक्षक गोरक्षनाथ गायकवाड व स्नेहल राणे या शिक्षकांचा शाल, श्रीफळ व भेटवस्तू देऊन सत्कार करण्यात आला. खोखो प्रशिक्षक सुशांत तांबे यालाही भेटवस्तू देऊन गौरविण्यात आले. खोखो जिल्हास्तर उपविजेता झालेल्या मोठ्या गटातील मुलींना मान्यवरांच्या हस्ते गौरविण्यात आले.
प्रजासत्ताक दिनाचे औचित्य साधून शाळेने हळदीकुंकू समारंभाचे व उत्कर्षा उपक्रमाचे आयोजन केले होते. त्यावेळी मंगेश शेट्ये यांच्या सौजन्याने सर्व महिलांना २०० कापडी पिशव्यांचे वितरण करण्यात आले. उत्कर्षा समुपदेशिका सुजाता कुडतरकर, सीमा वरुणकर यांनी महिलांना ' मासिक पाळी व्यवस्थापन ' या विषयावर मार्गदर्शन केले.
महेश शेट्ये यांच्या सौजन्याने शाळेला इन्व्हर्टर प्रदान करण्यात आला. त्याचे समारंभपूर्वक उदघाटन मान्यवरांच्या शुभहस्ते करण्यात आले. शाळेला सहकार्य करणाऱ्या सर्वांचे प्रसंगानुरूप पुष्प देऊन आभार मानण्यात आले. शाळेने २८ सांस्कृतिक कार्यक्रम सादर करून प्रेक्षकांची वाहवा मिळवली. शालेय व्यवस्थापन समितीच्या वतीने शाळेतील सर्व शिक्षकांचे आभार मानण्यात आले. दिपक पांचाळ यांच्या आर्थिक सहकार्यातून प्रतिवर्षाप्रमाणे मंडप व ध्वनिक्षेपक याची मोफत सेवा देत असल्याबद्दल त्यांचे आभार मानण्यात आले. कार्यक्रमाचे सूत्रसंचालन शाळेचे मुख्याध्यापक सुनिल तांबे यांनी केले. तर आभार प्रवीण कुबल यांनी मानले.
