महाराष्ट्र राज्य प्राथमिक शिक्षक समिती शाखा कणकवली ची कार्यकारिणी सभा संपन्न
January 17, 2021
कणकवली दिनांक : १७ / ०१ / २०२१ :
नुकतीच महाराष्ट्र राज्य प्राथमिक शिक्षक समिती शाखा कणकवली तालुका कार्यकारिणीची सभा तालुकाध्यक्ष विनायक जाधव यांच्या अध्यक्षतेखाली शाळा कणकवली क्रमांक ३ येथे संपन्न झाली. त्यावेळी शिक्षक नेते गिल्बर्ट फर्नांडीस, तालुकाध्यक्ष विनायक जाधव, महिला सेल अध्यक्षा वृषाली सावंत, महिला सेल सचिव रश्मी आंगणे, सर्व जिल्हा कार्यकारिणी सदस्य, तालुका कार्यकारिणी सदस्य, सर्व शिक्षक समिती शिलेदारांचे शाखेच्या वतीने हार्दिक स्वागत करण्यात आले.
तालुकाध्यक्ष विनायक जाधव यांनी कोरोना काळात संघटनेने केलेला कार्याचा तारीखवार सविस्तर आढावा सादर केला. झालेल्या जमाखर्चाचे वाचन केल्यानंतर त्यावर चर्चा करून सर्वानुमते मंजुरी देण्यात आली.जमा खर्चाचा हिशोब अतिशय चांगल्या पद्धतीने ठेवल्याबद्दल त्याचप्रमाणे संघटनेच्या नावे एक लाख रुपयांची रक्कम मुदतठेवीत ठेवल्याबद्दल तालुकाध्यक्ष व सर्व तालुका कार्यकारिणी सदस्य या सर्वांचा अभिनंदनाचा ठराव घेण्यात आला.
नवीन महिला कार्यकारिणी गठित करण्यासाठी कणकवली तालुका प्राथमिक शिक्षक समितीच्या सर्व महिला सदस्यांची बैठक शनिवारी २३ जानेवारी रोजी कलमठ बाजारपेठ येथे आयोजित करून महिला नवीन कार्यकारिणी गठित करण्याचे ठरविण्यात आले.चालू शैक्षणिक वर्षातील विद्यार्थी गुणगौरव,आदर्श शिक्षक पुरस्कार प्राप्त शिक्षक यांचा सत्कार समारंभ २१ मार्च रोजी करण्याबाबत ठरविण्यात आले.
तालुका प्रसिद्धी प्रमुख या पदावर सर्वानुमते प्रवीण कुबल यांची निवड करण्यात आली.वाढदिवस यादी प्रसिध्द करणेबाबत विषय झाला. शिक्षक पतपेढीची निवडणुक होणार असल्याने केंद्रस्तरापासून नियोजन करण्याबाबत चर्चा झाली.
त्यावेळी ४० पेक्षा जास्त शिक्षक उपस्थित होते. तालुका सरचिटणीस सुशांत मर्गज यांनी उपस्थित सर्वांचे आभार मानले.
No comments:
Post a Comment