शिक्षिका राजश्री शेट्ये यांचा पालकांकडून सत्कार
नाधवडे दि. १७
ग्रामीण भागातही शिष्यवृत्ती सारख्या स्पर्धा परीक्षांचे मार्गदर्शन नियोजनपूर्वक केले जाते. संदर्भ पुस्तके , जादा तासिका , सराव परीक्षा यांच्या माध्यमातून विविध उपक्रम राबवून यावर्षी सहा विद्यार्थ्यांना स्पर्धा परीक्षांमध्ये यश मिळवून दिल्याबद्दल सर्व पालकांच्या वतीने विद्यामंदिर नाधवडे ब्राह्मणदेव शाळेच्या पदवीधर शिक्षिका राजश्री शेट्ये यांचा सत्कार करण्यात आला.
शाळेच्या वेळेनंतरही थांबून, प्रसंगानुरूप स्वखर्चाने वह्यापुस्तके देऊन, स्पर्धा परीक्षांसाठी स्वखर्चाने नेऊन पाल्यांच्या उज्ज्वल भवितव्यासाठी निरंतर ज्ञानदान करणाऱ्या राजश्री शेट्ये यांचे पंचक्रोशीतून कौतुक करण्यात येत आहे. आतापर्यंत विविध स्पर्धा परीक्षा, सिंधुरत्न टॅलेंट सर्च परीक्षा, डॉ. ए. पी. जे. अब्दुल कलाम शिष्यवृत्ती परीक्षा इत्यादी स्पर्धा परीक्षांमध्ये त्यांचे विद्यार्थी यशस्वी झाले आहेत.
श्रावणी चंद्रकांत नर , सिद्धेश भरडे , पराग कुडतरकर, प्रणय बोभाटे , श्रद्धा भरडे आणि सिद्धेश तानवडे इत्यादी विद्यार्थी गुणवत्ता यादीत येण्यासाठी त्यांनी केलेले अध्यापन महत्त्वपूर्ण ठरले आहे. प्रसिद्धीपासून कायमच दूर असणाऱ्या राजश्री शेट्ये यांनी केलेले शैक्षणिक कार्य म्हणूनच अभिनंदनीय आहे. म्हणून नुकतेच पालकांच्या वतीने त्यांच्या घरी जाऊन त्यांना सन्मानपत्र देऊन गौरवण्यात आले.
त्यावेळी सर्व शिष्यवृत्तीधारक विद्यार्थी, पालक प्रकाश बोभाटे, प्रकाश भरडे , रघुनाथ तानवडे, सुधीर भरडे , चंद्रकांत नर , संजय नकाशे , प्रल्हाद कुडतरकर, सुजाता कुडतरकर इत्यादी उपस्थित होते. पालकांनी राजश्री शेट्ये यांना पुढील वाटचालीसाठी शुभेच्छा देऊन धन्यवाद व्यक्त केले.
No comments:
Post a Comment