तळेरे : दिनांक ०१/ ०३/ २०२० :
सध्या सर्व शाळांमध्ये शालेय पोषण आहार शिजवून देण्याचे काम शालेय पोषण आहार ताई करत आहेत. स्वयंपाकी आणि मदतनीस म्हणून काम पाहणाऱ्या या शालेय पोषण आहार ताई म्हणजे आमच्या शाळांतील मुलांच्या अन्नदात्याच आहेत. त्यांच्यामुळेच आपल्या शाळांमधील विद्यार्थी दुपारच्या भोजनाचा लाभ घेत आहेत. त्यांच्याकडून शाळांना जे सहकार्य मिळत आहे त्याबद्दल तळेरे प्रभागाच्या वतीने विस्तार अधिकारी सुहास पाताडे यांनी सर्व ताईंचे कौतुक केले आणि अतिशय समाधान व्यक्त केले.
जिल्हा परिषद सिंधुदुर्ग शिक्षण विभागांतर्गत तळेरे नं. १ शाळेत ' स्वयंपाकी व मदतनीस ' यांचे एकदिवसीय प्रशिक्षण आयोजित करण्यात आले होते. त्यावेळी तज्ज्ञमार्गदर्शक म्हणून विस्तार अधिकारी सुहास पाताडे आणि शेर्पे- साळीस्ते केंद्रप्रमुख सदगुरु कुबल यांनी काम पाहिले. त्यावेळी शेर्पे केंद्रमुख्याध्यापक दशरथ शिंगारे, तळेरे नं. १ शाळेचे सत्यवान चव्हाण , खारेपाटण नं.१ शाळेचे मुख्याध्यापक प्रदीप श्रावणकर, शिडवणे नं. १ शाळेचे प्रवीण कुबल , कोनेवाडी शाळेचे मंगेश खंबाळकर ,सूत्रसंचालक जाकीर शेख आणि ७१ प्रशिक्षणार्थी उपस्थित होते.
प्रशिक्षणाचे उदघाटन शालेय पोषण आहार ताईंच्या शुभहस्ते करण्यात आले. सर्व प्रशिक्षणार्थी यांना जिल्हा परिषदेमार्फत मार्गदर्शक पुस्तिका , नोटबुक, पेन आणि प्रवासभत्ता देण्यात आला. माध्यान्ह भोजन करताना घ्यावयाची काळजी, आपत्कालीन संरक्षण, मेनूप्रमाणे स्वयंपाक बनवणे, शालेय वास्तूची साफसफाई करण्यात पुढाकार घेणे, स्वतःची आरोग्य तपासणी करून घेणे, चव घेऊन भोजन स्वतः वितरित करणे, बचतगट असल्यास हिशेब ठेवणे, साठ्याप्रमाणे धान्यादी माल शिल्लक असणे, दिलेल्या प्रमाणानुसार तांदूळ, तूरडाळ, हरभरा, चवळी, मसाला, जिरे, मोहरी, मुगडाळ यांचा भोजनात समावेश करणे, स्नेहभोजन असल्यास तो करण्यासाठी सहकार्य देणे, पूरक आहाराचे आवश्यकतेनुसार वाटप करणे इत्यादीविषयी सविस्तर व उदाहरणे देऊन मार्गदर्शन करण्यात आले. त्यात चर्चा घडवून आणली. केंद्रप्रमुख सद्गुरू कुबल यांनी सर्वांचे आभार मानले.
सध्या सर्व शाळांमध्ये शालेय पोषण आहार शिजवून देण्याचे काम शालेय पोषण आहार ताई करत आहेत. स्वयंपाकी आणि मदतनीस म्हणून काम पाहणाऱ्या या शालेय पोषण आहार ताई म्हणजे आमच्या शाळांतील मुलांच्या अन्नदात्याच आहेत. त्यांच्यामुळेच आपल्या शाळांमधील विद्यार्थी दुपारच्या भोजनाचा लाभ घेत आहेत. त्यांच्याकडून शाळांना जे सहकार्य मिळत आहे त्याबद्दल तळेरे प्रभागाच्या वतीने विस्तार अधिकारी सुहास पाताडे यांनी सर्व ताईंचे कौतुक केले आणि अतिशय समाधान व्यक्त केले.
जिल्हा परिषद सिंधुदुर्ग शिक्षण विभागांतर्गत तळेरे नं. १ शाळेत ' स्वयंपाकी व मदतनीस ' यांचे एकदिवसीय प्रशिक्षण आयोजित करण्यात आले होते. त्यावेळी तज्ज्ञमार्गदर्शक म्हणून विस्तार अधिकारी सुहास पाताडे आणि शेर्पे- साळीस्ते केंद्रप्रमुख सदगुरु कुबल यांनी काम पाहिले. त्यावेळी शेर्पे केंद्रमुख्याध्यापक दशरथ शिंगारे, तळेरे नं. १ शाळेचे सत्यवान चव्हाण , खारेपाटण नं.१ शाळेचे मुख्याध्यापक प्रदीप श्रावणकर, शिडवणे नं. १ शाळेचे प्रवीण कुबल , कोनेवाडी शाळेचे मंगेश खंबाळकर ,सूत्रसंचालक जाकीर शेख आणि ७१ प्रशिक्षणार्थी उपस्थित होते.
प्रशिक्षणाचे उदघाटन शालेय पोषण आहार ताईंच्या शुभहस्ते करण्यात आले. सर्व प्रशिक्षणार्थी यांना जिल्हा परिषदेमार्फत मार्गदर्शक पुस्तिका , नोटबुक, पेन आणि प्रवासभत्ता देण्यात आला. माध्यान्ह भोजन करताना घ्यावयाची काळजी, आपत्कालीन संरक्षण, मेनूप्रमाणे स्वयंपाक बनवणे, शालेय वास्तूची साफसफाई करण्यात पुढाकार घेणे, स्वतःची आरोग्य तपासणी करून घेणे, चव घेऊन भोजन स्वतः वितरित करणे, बचतगट असल्यास हिशेब ठेवणे, साठ्याप्रमाणे धान्यादी माल शिल्लक असणे, दिलेल्या प्रमाणानुसार तांदूळ, तूरडाळ, हरभरा, चवळी, मसाला, जिरे, मोहरी, मुगडाळ यांचा भोजनात समावेश करणे, स्नेहभोजन असल्यास तो करण्यासाठी सहकार्य देणे, पूरक आहाराचे आवश्यकतेनुसार वाटप करणे इत्यादीविषयी सविस्तर व उदाहरणे देऊन मार्गदर्शन करण्यात आले. त्यात चर्चा घडवून आणली. केंद्रप्रमुख सद्गुरू कुबल यांनी सर्वांचे आभार मानले.
No comments:
Post a Comment