शिडवणे : दिनांक १५ ऑक्टोबर २०१९ :
भारतरत्न डॉ. ए. पी. जे. अब्दुल कलाम यांचा जन्मदिवस ' वाचन प्रेरणा दिन ' म्हणून साजरा जातो. या दिवशी सर्व शाळा महाविद्यालयांमधून मुलांना वाचनासाठी उद्युक्त केले जाते. ग्रंथ प्रदर्शन, ग्रंथ दिंडी, प्रकट वाचन स्पर्धा , पुस्तक परीक्षण इत्यादी विविध उपक्रम राबवून मुलांना वाचनाची गोडी निर्माण केली जाते.
शिडवणे नं. १ शाळेत या दिवशी सर्व मुलांकडून पाठ्यपुस्तकांमधील आदर्श उताऱ्यांचे वाचन करून घेण्यात आले. परिपाठाच्या वेळी सर्व मुलांनी डॉ. ए. पी. जे. अब्दुल कलाम यांच्या प्रतिमेला पुष्पहार अर्पण करून प्रार्थनेने प्रारंभ केला. ६ वी च्या मराठी पाठ्यपुस्तकातील डॉ. कलाम यांनी लिहिलेला गद्य पाठ ' डॉ. कलाम यांचे बालपण ' याचे वाचिक अभिनयासह प्रकटवाचन करण्यात आले. सर्व ६६ मुलांनी या उपक्रमामध्ये सक्रिय सहभाग घेतला. प्रकट वाचन करत ' यापुढेही दररोज नवनवीन वाचन करत राहू ' असे वचन दिले.
त्याचप्रमाणे १५ ऑक्टोबर हा दिवस सगळीकडे ' आंतरराष्ट्रीय हातधुवा दिवस ' म्हणूनही साजरा केला जातो. त्याप्रमाणे सर्व मुलांना शाळेतील उपशिक्षक प्रवीण कुबल, सुजाता कुडतरकर व सीमा वरुणकर यांनी प्रात्यक्षिकासह हात कसे धुवावेत ते समजावून सांगितले. गाण्यांचा वापर करत मुलांनीही मनोरंजनात्मक पद्धतीने त्याही उपक्रमामध्ये सहभाग घेतला.
No comments:
Post a Comment