मानसशास्त्रीय दृष्टीकोन ठेवून अध्यापन केल्यास मुले सहज शिकतात : नागेश बुकम

शिडवणे : दिनांक : ११ ऑक्टोबर २०१९
          त्रिपुरा फाऊंडेशन इंडिया संस्थेच्या वतीने फोनेमिक इंटेलिजेंस प्रोग्राम ( PI  ) अंतर्गत संस्थापक डॉ. भास्करन पिल्लई यांच्या संकल्पनेतून साकार करत असलेल्या मानसशास्त्रीय शैक्षणिक प्रयोगासाठी शिडवणे नं.१ शाळेची निवड करण्यात आली आहे. त्यावेळी शाळेत आलेले सदर कार्यक्रमाचे PI प्रशिक्षक नागेश बुकम विद्यार्थी व शिक्षकांना मार्गदर्शन करताना बोलत होते. ते म्हणाले, आज विद्यार्थी विविध आकर्षणांना सामोरे जात असताना त्यांच्या अभ्यास लक्षात राहत नाही. अभ्यास स्मरणात राहणे हे आजच्या विद्यार्थ्यांसाठी अत्यंत महत्वाची गोष्ट बनलेली आहे. त्यासाठी मानसशास्त्रीय प्रयोगांचा आधार घेत आपण मुलांवर योग्य प्रकारे संस्कार केले तर मुलांना सोपे जाईल.
          नागेश बुकम यांनी सांगितले कि, त्रिपुरा फाऊंडेशन इंडिया या संस्थेने मुलांच्या विकासासाठी एक नवे पाऊल उचलले आहे. त्यासाठी सर्व जिल्ह्यामध्ये काही शाळांचीच निवड करण्यात आलेली आहे. शिडवणे शाळेतील मुलांना या अध्यापनाचा लाभ त्यानिमित्ताने मिळणार आहे ही एक आनंदाची गोष्ट आहे.
          हा उपक्रम वर्षभर चालणार असून विद्यार्थ्यांची लेखी , तोंडी व प्रात्यक्षिक परीक्षा घेण्यात येणार आहे. या सर्व मानसशास्त्रीय चाचण्यांचा उपयोग मुलांना त्यांच्या व्यक्तिमत्व विकासासाठी होणार आहे. त्यावेळी त्यांनी विद्यार्थ्यांवर व शिक्षकांवरही प्रयोग करून प्रात्यक्षिके करून घेतली. मुले या विविध प्रयोगांमध्ये छान रमली होती. इयत्ता १ ली ते ७ वी च्या सर्व ६६ मुलांवर सदर प्रात्यक्षिके घेण्यात आली.