शिडवणे नं. १ शाळेत जागतिक अंडी दिन साजरा

शिडवणे : दिनांक ११ ऑक्टोबर २०१९ :
                   '  संडे हो या मंडे रोज खाओ अंडे  ' असे म्हटले जाते . दररोज अंडी सेवन केल्यामुळे त्यामधून आपल्याला उच्च दर्जाचे प्रोटिन्स मिळून आपले पोषण सुधारते, हा एकमेव उद्देश जागृत करण्यासाठी जागतिक अंडी दिन साजरा केला जातो. शिडवणे नं .१ शाळेतही या दिनाचे औचित्य साधून ' जागतिक अंडी दिन ' साजरा करण्यात आला.
                    शाळेतील सर्व मुलांना अंडी सेवनाचे आपल्या जीवनातील महत्त्व सांगण्यात आले. वारगाव पशुधन पर्यवेक्षक करंबेळकर  यांच्या सौजन्याने शिडवणे नं .१ शाळेतील सर्व मुले, अंगणवाडीतील मुले अशा प्रकारे  एकूण ८० पेक्षा जास्त लाभार्थ्यांना उकडलेली अंडी देऊन लाभ देण्यात आला.
                    त्यावेळी शाळेतील सर्व शिक्षक, शालेय पोषण आहार ताई, अंगणवाडीताई , विद्यार्थी आणि अंगणवाडीतील चिमुकली मुले उपस्थित होती. सर्व मुलांनी भोजनाच्या वेळी मिळालेल्या उकडलेल्या अंड्यांचे सेवन करताना आनंद व्यक्त केला. शाळेच्या वतीने अंडी देणगीदार पशुधन पर्यवेक्षक करंबळेकर यांचे आभार मानण्यात आले.