🔴 स्वामिनिष्ठ नरवीर शिवाजी काशीद यांची जयंती उत्साहात साजरी

 🔴 स्वामिनिष्ठ नरवीर शिवाजी काशीद यांची जयंती उत्साहात साजरी 

 🔸महाराष्ट्र नाभिक महामंडळाच्या वतीने पन्हाळगडावर दुर्गभ्रमंती 

🔹 तारदाळ/पन्हाळगड: ५ मे रोजी स्वामिनिष्ठ नरवीर शिवाजी काशीद यांची जयंती मोठ्या उत्साहात साजरी करण्यात आली. तारदाळ (तालुका हातकणंगले) येथील इतिहास संशोधक गौरव जाधव यांच्या अभ्यासातून आजचा दिवस नरवीर शिवाजी काशीद यांची जयंती म्हणून साजरा करण्याचा निर्णय घेण्यात आला होता. आदरणीय प्रदेशाध्यक्ष सयाजी झुंजार यांच्या सूचनेनुसार हा निर्णय संपूर्ण महाराष्ट्रात यशस्वीपणे अंमलात आणला गेला.

          या विशेष दिनाचे औचित्य साधून महाराष्ट्र नाभिक महामंडळ समाजाच्या तारदाळ येथील सर्व भगिनी आणि बांधवांनी पन्हाळगड दुर्गभ्रमंतीचे आयोजन केले होते. पन्हाळगड ही भूमी स्वामीनिष्ठ नरवीर शिवाजी काशीद यांच्या बलिदानाच्या इतिहासाने पावन झाली आहे.

या दुर्गभ्रमंतीची सुरुवात प्रदेशाध्यक्ष सयाजी झुंजार यांच्या हस्ते नरवीर शिवाजी काशीद यांच्या समाधीच्या पूजनाने झाली. 

          याप्रसंगी जिल्हा उपाध्यक्ष आदरणीय भीमराव शिंदे, संतोष चव्हाण, शहर उपाध्यक्ष विश्वास गंगाधर, दिलीप टिपूगडे, इतिहास संशोधक गौरव जाधव, तारदाळ शहराध्यक्ष मनोज जाधव यांच्यासह अनेक मान्यवर उपस्थित होते. समाधीस्थळी पुष्प अर्पण करून नरवीर शिवाजी काशीद यांच्या शौर्याला आणि स्वामीनिष्ठेला आदरांजली वाहण्यात आली.