कणकवलीच्या ग्रामीण भागातून देदीप्यमान यश! प्राची चव्हाणची बारावीत उत्तुंग भरारी
कणकवली तालुक्यातील कनेडी विभागातील नाभिक समाजासाठी एक अत्यंत आनंदाची आणि अभिमानाची बातमी समोर आली आहे. कनेडी नाभिक संघटनेचे अध्यक्ष तथा नाटळचे सुपुत्र मा. प्रशांत चव्हाण आणि महिला आघाडीच्या कार्यकर्त्या सौ. प्रतिक्षा प्रशांत चव्हाण यांची सुकन्या कु. प्राची प्रतिक्षा प्रशांत चव्हाण हिने नुकत्याच जाहीर झालेल्या बारावीच्या कला शाखेच्या परीक्षेत उत्कृष्ट यश संपादन केले आहे. प्राचीने तब्बल ७९.६७% गुण मिळवून कनेडी कॉलेजमध्ये प्रथम क्रमांक पटकावला आहे.
ग्रामीण भागातून जिद्द आणि मेहनतीच्या जोरावर शिक्षण घेणाऱ्या प्राचीने मिळवलेले हे यश केवळ तिच्या कुटुंबासाठीच नव्हे, तर संपूर्ण नाभिक समाजासाठी प्रेरणादायी आहे. प्रतिकूल परिस्थितीतही आपल्या समाजातील मुले-मुली शिक्षणाच्या माध्यमातून आपले भविष्य उज्ज्वल करत आहेत, याचा प्रत्यय प्राचीच्या या यशामुळे आला आहे.
या शानदार यशाबद्दल नाभिक समाजात आनंदाची लाट पसरली आहे. प्राचीचे आणि तिच्यासारख्या इतर गुणवंत विद्यार्थ्यांचे सर्वत्र कौतुक होत आहे. नाभिक समाजातील कार्यकर्त्यांनी आणि वडीलधाऱ्या मंडळींनी प्राचीचे अभिनंदन केले असून, तिच्या पुढील शैक्षणिक वाटचालीस शुभेच्छा दिल्या आहेत.
याप्रसंगी, प्राचीचे वडील मा. प्रशांत चव्हाण आणि आई सौ. प्रतिक्षा प्रशांत चव्हाण यांचे विशेष अभिनंदन करण्यात आले. आपल्या मुलांवर त्यांनी केलेले उत्तम संस्कार आणि दिलेले प्रोत्साहन यामुळेच प्राचीने हे यश संपादन केले, असे गौरवोद्गार समाजातील मान्यवरांनी काढले.
प्राचीच्या या यशाने ग्रामीण भागातील इतर विद्यार्थ्यांनाही प्रेरणा मिळाली आहे. शिक्षणाच्या माध्यमातून मोठी स्वप्ने पाहण्याची आणि ती साकार करण्याची जिद्द त्यांच्यामध्ये निर्माण झाली आहे.
कु. प्राची प्रतिक्षा प्रशांत चव्हाण हिच्या या दैदिप्यमान यशाबद्दल तिला मनःपूर्वक अभिनंदन! तिच्या पुढील शैक्षणिक प्रवासासाठी खूप खूप शुभेच्छा! ती नक्कीच आपल्या समाजाचे नाव उज्ज्वल करेल यात शंका नाही.
No comments:
Post a Comment