🔴 शिडवणे नं. १ शाळेत उद्या इंग्रजी संभाषण वर्गाचे प्रात्यक्षिक!

🔴 शिडवणे नं. १ शाळेत उद्या इंग्रजी संभाषण वर्गाचे प्रात्यक्षिक!

         शिडवणे, ६ जुलै २०२५: शिडवणे नं. १ शाळेमध्ये उद्या, सोमवार, ७ जुलै २०२५ रोजी इयत्ता पहिली ते सातवीच्या सर्व विद्यार्थ्यांसाठी इंग्रजी संभाषण वर्गाचे प्रात्यक्षिक आयोजित करण्यात आले आहे. मुंबईस्थित ज्येष्ठ शिक्षणप्रेमी सन्माननीय श्री. सुधाकर भोवड यांच्या मार्गदर्शनाखाली हा वर्ग होणार असून, यामुळे मुलांच्या इंग्रजी बोलण्याच्या क्षमतेला अधिक चालना मिळेल अशी अपेक्षा आहे.

          श्री. सुधाकर भोवड यांच्या संकल्पनेतून साकारलेल्या या उपक्रमाची सुरुवात एप्रिल २०२५ मध्ये शिडवणे नं. १ शाळेत एका सत्राच्या मार्गदर्शनाने झाली होती. उद्या त्यापुढील प्रत्यक्ष प्रात्यक्षिके सादर केली जाणार आहेत. तरी सर्व विद्यार्थ्यांनी या कार्यशाळेचा लाभ घेऊन इंग्रजी संभाषणासाठी पुढाकार घ्यावा, असे आवाहन करण्यात आले आहे.

         शिक्षकांनीही या उपक्रमाचा उद्देश लक्षात घेऊन, यात अधिक भर घालून मुलांच्या मनातील इंग्रजी संभाषणाची भीती दूर करावी, असे आवाहन मुख्याध्यापकांनी केले आहे. श्री. सुधाकर भोवड यांच्या या शैक्षणिक योगदानाबद्दल 'विद्यांजली' उपक्रमांतर्गत जिल्हा परिषद सिंधुदुर्ग आणि शिडवणे नं. १ शाळेच्या वतीने त्यांचे हार्दिक स्वागत करण्यात येत आहे.

 माननीय सुधाकर भोवड साहेब मुलांना इंग्रजी संभाषण कार्यशाळा घेणार आहेत. 👆