नडगिवे नं. १ शाळेत अळूवड्यांचा खमंग बेत: विद्यार्थ्यांचा आनंद शिगेला!

🔸नडगिवे नं. १ शाळेत अळूवड्यांचा खमंग बेत: विद्यार्थ्यांचा आनंद शिगेला!

नडगिवे नं. १, (दि. २ जुलै, २०२५): 'आम्ही सारे खवय्ये' या उपक्रमांतर्गत नडगिवे नं. १ शाळेच्या परसबागेतील ताज्या अळूच्या पानांपासून बनवलेल्या गरमागरम आणि खमंग अळूवड्यांनी आज शाळेचे वातावरण भारले होते. दुपारच्या जेवणाच्या वेळी शाळेत दरवळणाऱ्या अळूवड्यांच्या वासानेच मुलांच्या चेहऱ्यावर आनंद स्पष्ट दिसत होता. हा अळूवड्यांचा बेत यशस्वी करण्याचे खरे शिलेदार ठरल्या, शाळेच्या स्वयंपाकी काकू सौ. आंबेरकर आणि सौ. प्राजक्ता मांजरेकर.

या दोघींनी आपल्या पाककलेच्या जोरावर केवळ स्वादिष्ट अळूवड्याच बनवल्या नाहीत, तर नेहमीप्रमाणेच मुलांसाठी पोटभर आणि प्रेमाने स्वयंपाक केला. स्वयंपाकी काकूंनी यावेळी मुलांना अळूची पाने कशी ओळखावीत, ती कशी काढावीत, कशी चिरावीत, अळूवड्या बनवण्यासाठी कोणतं साहित्य लागतं आणि त्या कशा तयार कराव्यात, याची संपूर्ण माहिती दिली. पदार्थ बनवण्यामागची प्रक्रिया मुलांना समजावून सांगितल्याने त्यांच्या ज्ञानातही भर पडली.

दुपारी एकच्या सुमारास शाळेत अळूवड्यांचा खमंग वास दरवळू लागला आणि मुलांना आज अळूवड्या मिळणार या कल्पनेनेच आनंद झाला. जेवणाच्या ताटात प्रत्येकाला दोन-दोन अळूवड्या दिसताच मुलांच्या चेहऱ्यावरचा आनंद पाहण्यासारखा होता. खरं तर जीवनातील असे अनमोल क्षण अशा छोट्या छोट्या कृतीतूनच वेचायचे असतात आणि ते आनंदाने जगून पुढे जायचे असते.

आजचा हा अळूवड्यांचा बेत केवळ पोटभरीचाच नव्हता, तर तो विद्यार्थ्यांच्या चेहऱ्यावर आनंद फुलवणारा आणि शाळेतील एक अविस्मरणीय क्षण बनला. सौ. आंबेरकर आणि सौ. प्राजक्ता मांजरेकर यांच्या पाककौशल्याने शाळेचा हा 'खमंग अळूवड्यांचा बेत' खऱ्या अर्थाने 'लय भारी' ठरला!