शिक्षकनिर्मित अध्यापन साहित्यनिर्मितीत सीताराम पारधिये प्रथम

साळीस्ते : दिनांक ०९ डिसेंबर  २०१९ :
          कणकवली तालुकास्तरीय ४२ व्या विज्ञान प्रदर्शनात साळीस्ते नं. १ शाळेचे पदवीधर शिक्षक सीताराम पारधिये यांनी अध्यापक निर्मित शैक्षणिक साहित्य निर्मितीमध्ये प्रथम क्रमांक पटकावला. ल . गो. सामंत विद्यालय हरकुळ येथे संपन्न झालेल्या तालुकास्तरीय प्रदर्शनात अनेक शिक्षकांनी आपली निर्मिती मांडली होती. त्यात सीताराम पारधिये यांचे ' ज्ञानरचनावादी गणित ' हे मॉडेल सरस ठरले असून त्यांना जिल्हास्तरीय विज्ञान प्रदर्शनात आपले मॉडेल पुनश्च सादर करता येणार आहे.
          केंद्रशाळा साळीस्ते नं. १ या शाळेने प्राप्त केलेल्या या यशाबद्दल केंद्रप्रमुख सद्गुरू कुबल , शाळा व्यवस्थापन समिती अध्यक्ष संतोष ताम्हणकर , चंदूशेठ हर्याण , अनिल ताम्हणकर, सरपंच मैथिली कांबळे, उपसरपंच शांताराम कांजीर , शाळेचे मुख्याध्यापक सत्यवान घाडीगावकर, सर्व शिक्षकवृंद पाष्टे, वळवी , बुचडे , ग्रामपंचायत सदस्या आरती हर्याण , अंगणवाडी सेविका दिपाली गुरव यांनी प्रत्यक्ष भेटून सीताराम पारधिये यांचे हार्दिक अभिनंदन केले आहे.
           केंद्रातील सर्व शिक्षकांनी पारधिये यांच्या यशाबद्दल आनंद व्यक्त करून त्यांना जिल्हास्तरीय विज्ञान प्रदर्शनासाठी शुभेच्छा दिल्या आहेत.